ಹೇಳು ಗೆಳತಿ
ರಚನೆ : ಭರತೇಶ ಲಕ್ಷ್ಮಣ ಮರೆಪ್ಪಗೋಳ
----------------------------------
ಸುಗಂಧ ಬೀರಿ ಹೂ ಹುಳಗಳ ಸೆಳೆಯಲು ನಿನ್ನ ನೋಡಿ ಮನ ಹೂವಾಗಿ ಅರಳಲು ರೆಂಬೆ ಕೊಂಬೆಗೆ ಬಳ್ಳಿ ಪ್ರೀತಿಯಿಂದ ತಬ್ಬೀರಲು ಕ್ಷಣ ಕ್ಷಣವೂ ನಾ ನಿನ್ನನು ನೆನೆಯಲು ಈ ಎದೆಯ ಪ್ರತಿ ಬಡಿತ ನಿನ್ನನೇ ಕೂಗಲು ಆ ನಿನ್ನ ಮೌನದ ಮಾತುಗಳ ಕೇಳಲು ಕೂದಲ ಅಂಚಿನಿಂದ ನೀ ಕಿರು ನಗೆಯ ಚೆಲ್ಲಲು ಆ ನಗೆಗೆ ಮನ ಮಂಜಾಗಿ ಕರಗಲು ಹೇಳು ಗೆಳತಿ, ಇರುಳಿನಲ್ಲಿ ಹಗಲುಗನಸು ನೀಡುವೆ ಏಕೆ? ಮಲಗಿದವನ ಕನಸಿನಲ್ಲಿ ಬಂದು ಕಾಡುವೆ ಏಕೆ?
----------------------------------
ನೋಂದಣಿ ಐಡಿ : KPF-S1-5027